२० असोज, काठमाडौं । क्रिष्टियानो रोनाल्डोले अन्तिम मिनेटमा गरेको गोलको मदतमा रियल मड्रिडले स्पेनिस ला लिगा फुटबलमा लेभान्टेमाथि नाटकीय जित हात पारेको छ । शनिबार राति भएको खेलमा रियल मड्रिडले लेभान्टेमाथि ३–२ गोल अन्तरको जित निकालेको हो ।

लेभान्टेको घरेलु मैदानमा भएको खेलमा रियल मड्रिड दुई पटक पछि परेर पनि रियल मड्रिडले जित निकालेको छ । लेभान्टेले ५७ औं मिनेटमा डिआवाराको गोलबाट अग्रता लिएपनि ६१ औं मिनेटमा सर्जिओ रामोसले बराबरी गोल फर्काए ।

८६ औं मिनेटमा रियल मड्रिड फेरि पछि प¥यो । एन जारले गोल गर्दै लेभान्टेलाई २–१ को अग्रता दिलाए । ९० औं मिनेटमा रियल मड्रिडका अल्वारो मोरेटाले बराबरी गोल फर्काए । खेल बराबरीतर्फ उन्मुख भएका बेला खेल सकिने केही सकेन्ड बाँकी रहँदा रोनाल्डोले गोल गरे र महत्वपूर्ण ३ अंक दिलाए ।