२० असोज, काठमाडौं । बुटवलमा केन्द्रीय कार्यालय रहेको एकता विकास बैंक लिमिटेडको दोश्रो वाषिर्क साधारण सभा शनिवार सम्पन्न भएको छ ।

सभाको चुक्ता पुँजी २० करोड पुर्याउने गरी पुँजी वृद्धिको विशेष प्रस्ताव पास गरेको वैंकका अध्यक्ष डा. ध्रुवप्रसाद ढकालले बताउनुभयो । हाल बैंकको चुक्ता पुँजी ६ करोड रुपैयाँ रहेको छ । यसै आवभित्र बैंकले सर्वसाधारणका लागि सेयर निश्कासन गर्ने जनाएको छ ।

सभाले उपयुक्त बैक तथा वित्तीय संस्थासंग मर्जरको प्रकि्रया अगाडि वढाउन संचालक समितिलाई अवश्यक अख्तियारी समेत प्रदान गरेको छ । क्षेत्रीय स्तरकोे विकास वैकको रुपमा इजाजत प्राप्त यस वैंकले २०६८ कार्तिक ७ गतेवाट कारोवार आरम्भ गरेको हो ।

कपिलवस्तुको पिपरा, चन्द्रौटा, दाङ्गको घोराही गरी ३ स्थानमा शाखा तथा कपिलबस्तुको वनगाई र रुपन्देहीको बुटवल देवीनगरमा विस्तारित शाखा कार्यालय स्थापना गरी मुख्य शाखा कार्यालयसँगै ६ स्थानवाट सेवा प्रदान गरिरहेको छ । बैंकले चालु आव २०७०/७१ मा थप ३ वटा शाखा विस्तार गर्ने लक्ष्य लिएको छ ।

ग्राहक संख्या १५ हजार पुगेको बैंकले जनाएको छ । पछिल्लो तथ्यांक अनुसार वैंकको ८५ करोड निक्षेप र ७० करोड कर्जा लगानी रहेको छ । ग्राहकमुखी सेवा सञ्चालन गर्ने क्रममा ५० लाखसम्मको कर्जा ३० घण्टाभित्र स्वीकृत गर्ने व्यवस्था मिलाएको बैंकको भनाइ छ ।